O mellor Sant Jordi da historia aumenta as vendas un 6%

Breve repaso á actualidade do libro catalán.

Xesús González Gómez.

A verdade sexa dita: esperábase o día de Sant Jordi deste ano con grande expectativa. O total de libros en catalán vendidos o pasado 2023 alcanzou a cifra duns 140 millóns de euros, o que significou un aumento de vendas do libro catalán do 12%. Tamén se esperaba con ansia este día de Sant Jordi para ver se se superaba a cifra do pasado ano, que chegou á cantidade aproximada duns 23,6 millóns de euros, non en van as vendas deste día representan para algunhas librarías, e editoriais, segundo o Gremi de llibreters un 40% da facturación anual. A outra data punteira de vendas é Nadal, onde se alcanza unhas cotas de case o 30%, hai unha lixeira alza en setembro (supoño que por aquilo do libro «recomendado» nos institutos e similares, e tamén porque este mes adoita celebrarse a Setmana del llibre en català, que o pasado 2023, segundo os organizadores, visitaron unhas 60.000 persoas), polo que o resto do ano se vende aproximadamente un 25% do total anual. Acho que iso do 40% o día de Sant Jordi é erróneo, porque se no 2023 se alcanzou a cantidade mencionada liñas atrás e o total de vendas do ano foron un 140 millóns, o día de Sant Jordi roza o 20% das vendas anuais, non máis, e desculpen pola «rima». Estas cifras están tiradas do informe do Gremi de Editors de Catalunya sobre o ano 2023.

Mais volvendo ao día de Sant Jordi de hogano, superouse a cifra de 2023? Segundo o Gremi de Llibreters de Catalunya, este ano vendéronse 1,98 millóns de volumes por un valor de 25,4 millóns de Euros, o que significa, en cartos, un aumento do 6% con respecto ao ano anterior, polo que se pode afirmar que hogano foi o mellor Sant Jordi da historia (polo que a recaudación se refire). O 52% das vendas foi para libros en cataláns e o 48 restante para os publicados en castelán. Por demarcacións (ou provincias) a cousa ficou así: Barcelona: 51% catalán, 49% castelán; Girona: 61% catalán, 39% castelán; Lleida: 56% catalán, 44% castelán; Tarragona: 52% catalán, 48% castelán. Se o ano pasado se vendera un total de 60.000 títulos, este ano a venda foi de 70.250 títulos. Polo que respecta ás vendas totais, por xéneros, o 31% foi para a literatura infantil-xuvenil; o 35% para a ficción; o 23 % para a non-ficción e a banda deseñada supuxo un 11% das vendas totais. Por idiomas, a cousa ficou así:

Catalán: Infantil: 38%; ficción: 33%; non-ficción: 22%; banda deseñada: 7%.

Castelán: Infantil: 21%; ficción: 36%; no-ficción: 27%; banda deseñada: 16%.

Digamos, sempre seguindo o Gremi, que a ficción aumentou en ambas linguas uns 9 puntos, e a banda deseñada en catalán uns 8 puntos.

Respecto ás cifras que demos, penso que cómpre matizarmos que os títulos tanto de ficción como de non-ficción, e non digamos banda deseñada, en castelán son moitísimos máis ca en catalán, de aí, acho, a diferenza (unha das diferenzas, entre outras, claro).

Sen máis preámbulos, aí vai a lista de títulos en castelán máis vendidos no conxunto de Cataluña:

Ficción

1.- La grieta del silencio, Javier Castillo (Suma).

2.- Tres enigmas para la Organización, Eduardo Mendoza (Seix Barral).

3.- Un animal salvaje, Joël Dicker (Alfaguara).

4.- En agosto nos vemos, Gabriel García Márquez (Random House).

5.- El niño, Fernando Aramburu (Tusquets).

6.- Blackwater I. La Riada, Michael McDowell (Blackie Books).

7.- Las hijas de la criada, Sonsoles Ónega (Planeta).

8.- Baumgartner, Paul Auster (Seix Barral).

9.- La ciudad y sus muros inciertos, Haruki Murakami (Tusquets).

10.- El hijo olvidado, Mikel Santiago (Ediciones B).

En certo xeito, os cinco primeiros títulos case estaban cantados semanas anteriores, pois se imos á listaxe de máis vendidos que, cada sábado, publica La Vanguardia no seu suplemento «Culturas», vemos como a semana do 12 de abril a listaxe de máis vendidos era a seguinte: 1.- Un animal salvaje; 2.- París 2024 (Mortadelo e Filemón); 3.- En agosto nos vemos; 4.- El niño; 5.- Blackwater V. La fortuna.

Digamos que nesta lista o Grupo Planeta imponse por 5 a 4 a Random House. O posto que falta é para a editorial catalá Blackie Books.

Non ficción

1.- Recupera tu mente, reconquista tu vida, Marian Rojas Estapé (Espasa).

2.- Hábitos atómicos, James Clear (Editorial Diana).

3.- Como hacer que te pasen cosas buenas, Marian Rojas Estapé (Espasa).

4.- Anatomía del mal, Jordi Wild (Ediciones B).

5.- No hagas montañas de granos de arena, Rafael Santandreu (Grijalbo).

6.- El sentido de consentir, Clara Serra (Anagrama).

7.- La sociedad de la nieve, Pablo Vierci (Alrevés).

8.- Estuve aquí y me acordé de vosotros, Anna Pacheco (Anagrama).

9.- Crónica de la España que dialoga, José Luis Rodríguez Zapatero (Navona).

10.- Tu salud empieza aquí, Xevi Verdaguer (Grijalbo).

Na devandita lista de La Vanguardia, os máis vendidos aquela semana previa a Sant Jordi foran: 1.-Recupera tu mente, reconquista tu vida; 2.- España: El pacto y la furia, Enric Juliana (adxunto ao director do xornal); 3.- Hábitos atómicos; 4.- Adiós a la inflamación, Sandra Moniño; 5.- No hagas montañas de granos de arena.

Nesta lista a cousa esta máis equilibrada, en certo xeito, se ben Planeta acapara os tres primeiros postos, o números 4, 5 e 10 son para Random House, Anagrama ten dous títulos (dos poucos serios desta lista), e Alrevés e Navona colócanse cun título cada unha delas.

Antes de pasar a reproducir a listaxe de ficción e non ficción máis vendidos en catalán, enumeremos algúns dos títulos de ficción publicados nestes tres últimos meses (febreiro-marzo-abril) tanto de autora/es catalá/ns como traducida/os. Velaí unha mostra non exhaustiva

Narrativa catalá: Ocàs i fascinació, Eva Baltasar (Club Editor); Com un bàtec en un micròfon, Clara Queraltó (Anagrama); Guanyaràs una mar llisa, Miquel Martín i Serra (Periscopi); Soc la Milena de Praga, Monika Zgustova (Galaxia Gutenberg); Al bosc se ha d’anar quan encara és fosc, Maria Arimany (L’altra); Confeti, Jordi Punti (Proa); Una vegada va ser estiu la nit sencera, Elisabet Riera (Males herbes); Aprende a esquivar les bales, Xavi Coral (La Campana); Lo mig del món, Rosa Vernet (Club editor); Urgell: la febre de l’aigua, Vicens Villatoro (Proa); Assaig General, Milena Tusquets (Àmsterdam); Història d’un piano, Ramon Gener (Columna); El crim del monestir, Miquel Fañanas (Columna); Una ombra blanca, Carme Riera (Ed. 62); La casa tapiada, Julià de Jòdar (Comanegra); Veus de morts als Encants Vells, Sílvia Lagarde Mata (Comanegra); La Germandat de l’Àngel Caigut, Jaume Clotet (Destino); La conformista, Alba Dedeu (L’Altra); A les dues seran les tres, Sergi Pàmies (Quaderns Crema), Confeti, Jordi Punti (Proa); El Mestre i la bèstia, Imma Monsó (Anagrama); Qui de casa s’en va, Toni Cucarella (Àmsterdam); El federal, Sebastià Alzamora (Proa); Una novel·la comercial, Ponç Puidevall (Ed. de 1984); Cèlia Palau, Sílvia Alcàntara (Ed. de 1984); Violència en tres actes, Jenn Diaz (La Magrana); La puresa de l’engany, Gerard Quintana (Columna), etc. Quen coñeza a literatura catalá actual decatarase que publicaron libros de primeira figuras ou de venda segura: Inmma Monsó, Carme Riera, Ponç Puigdevall, Vicenç Villatoro, S. Alcántara, Toni Cucarella, Eva Baltasar, Julià de Jòdar, Gerard Quintana, etc.

No que respecta ás traducións de novela ou libros de relatos, meses antes xa avisaban diversos xornais, entre eles La Vanguardia, que a oferta ía ser numerosa, tanto en cantidade como en calidade, superando as traducións aos orixinais cataláns. Velaí algunhas das traducións ao catalán publicadas nos últimos dous meses (marzo-abril):

Keille la Pèl-roja, Isaac Bahevis Singer (Quaderns Crema); Els aerostats, Amelie Nothomb (Anagrama); La distancia que ens separa, Maggie O’Farrell (L’Altra); La ciutat i les seves muralles incertes, Haruki Murakami (Empúries); Baumgartner, Paul Auster (Ed. 62); L’Ales a la vora del foc, Jon Fosse (Galaxia-Gutenberg); McGlue, Otessa Moshfeg (Angle); Vull fer-te algunes preguntes, Rebecca Makkai (Periscopi); Una mínima infelicitat, Carmen Verde (Més Llibres) (publicado tamén en galego, por Aira); Nou animal, Ella Baxter (Ela Geminada); Escrit al cos, Jeanette Winterson (Periscopi); La festa de Gerald, Robert Coover (Quaderns Crema); Perspectives, Laurent Binet (ed. de 1984); El silenci i la ràbia, Pierre Lemaître (Bromera); La vida íntima, Niccolò Amaniti (Angle); La Passió segons G. H., Clarice Lispector (Club editor); Panxacontent, David Sedaris (Comanegra); Un criminal salvatge, Joël Dicker (La Campana); Contes, William Faulkner (Ed. de 1984); El paradís de les dames, Émile Zola (Viena) (hai edición galega, de Irmás Cartoné); Tres novel·les breus, Lev Tolstoi (Club editor); Armats de follia, Mary Butts (Angle); Blackwater, Michael McDowell (Blackie Books); El problema dels tres cossos, Cixin Liu (Duna llibres-Raig Verd); El día de l’alliberament, George Saunders (Ed. de 1984); El refugi del temps, Gueorgui Gospodinov (Periscopi); Ànimes mortes, Nicolai Gogol (Bernat Metge), Contes romans, Alberto Moravia (Comanegra); Un rastre de violencia, Mark O’Connell (Comanegra)…

Polo que respecta á poesía, que desde a morte de Marti Pol e Joan Margarit non acada as vendas doutros tempos, publicáronse nestes dous meses bastantes libros, pero mencionaremos os que nos parecen máis interesantes: Si una emergencia, Mireia Calafell (Proa); Flames, Carles Duarte (Tres i Quatre); L’unicorn negre, Audre Lorde (Lleonard Muntaner); Salvatge i fred, Katherine Mansfield (Labreu), L’estrany, Esteve Miralles (Labreu), La llum deshabitada. Antología (1973-1022), Antoni Tàpies-Barba (Pagès), Franciscanismes, Ernest Farrès (Stonberg), Hermètica definició, H(ilda) D(oolittle) (Lleonard Muntaner).

Se na lista dos libros máis vendidos en catalán publicada no xornal La Vanguardia o día 12 de abril os cinco títulos eran os seguintes: 1.-Un animal salvatge; 2.- Paris 2024; 3.- Història d’un piano; 4.- Òcas i fawscinació; 5.- Blackwater IV. La guerra. O día de Sant Jordi, os 10 libros máis vendidos no apartado de ficción en catalán foron os seguintes:

Ficción:

1.- Història d’un piano, Ramon Gener (Columna).

2.- Un animal salvatge, Joël Dicker (La Campana).

3.- Òcas i fascinació, Eva Baltasar (Club editor).

4.- Aprendre a esquivar les bales, Xavi Coral (La Campana).

5.- Backwater 1. La riuada, Michael McDovell (Blackie Books).

6.- Les calces al sol, Regina Rodríguez (La Campana).

7.-La Germandat de l’Àngel Caigut, Jaume Clotet (Destino).

8.-Baumgartner, Paul Auster (Ed. 62).

9.- Confeti, Jordi Puntí, (Proa).

10.- La distància que ens separa, Maggie O’Farrel (L’altra).

Neste apartado, Planeta volve gañarlle a Random House por 4 a 3, se ben tres editoriais independentes colocan títulos: Club editor, Blackie Books e L’altra editorial.

No terreo da non ficción, eido en que metemos tanto biografías como dietarios, correspondencias, ensaios ou libros de historia, e os denominados de auto-axuda, entre outros, publicáronse títulos como: Un cor furtiu, Xavier Pla, unha inmensa biografía de Josep Pla publicada por Destino; Amb cor de foc, Joan Brossa/Antoni Tàpies, correspondencia entre o poeta e o pintor, que acabaron distanciados (Galaxia Gutenberg); L’escola de l’ànima, Josep M. Esquirol (Quaderns crema), El radar americano: Arquitectura, art, comunicación visual i Guerra fria, Vicenç Altaiò, (Galaxia Gutenberg); La imatge incessant, Jordi Batlló & Mercé Oliva (Anagrama); Els llocs de l’ànima, Albert Mestre (Angle); Deu lliçons per salvar el català, libro póstumo de Carme Junyent (La Campana); Intocables, Albert Llinós (La Campana); Vençuda però no submisa. La Catalunya del segle XVIII, Joaquim Albareda (Ed. 62); Cremo!, Maria Nicolau, libro de cociña (Columna); Ments preclares. El llibre dels idiotes, Quim Monzó (Libros de La Vanguardia, recolla de artigos publicados neste xornal barcelonés); Catòlics, comunistas i cia. Intelectuals catalans i guerra freda, Agusti Pons (Ed. de 1984); Amnistia i llibertat, 28 d’octubre de 1973, Agustí Colomines (Afers); L’esperit de l’esperança, Byung-Chul Han (Herder); Quina mena de gent som: Quatre assaigs sobre Catalunya (1938-1947), Gaziel (Pòrtic); Les cendres de Pasolini, Jaume C. Pons Alorda (Lleonard Muntaner), Vaques, Imma Puigcorbé, libro-evocación do mundo rural por unha labrega e veterinaria (La Mandràgora); Cor trencat, Pep Blay: a vida do cantante do grupo musical Sau, Carles Sabater, que morreu no 1999 aos 37 anos de idade (Folch&Folch); La mirada captiva, Colm Tóibin (Arcàdia), etc., e non podemos deixar de mencionar o libro póstumo do fotógrafo Francesc Català-Roca: La Pell de Barcelona (Ajt. de Barcelona/Enciclopèdia Catalana), L’altra Venècia, de Pedrag Matvejiviċ (LaBreu), ou Tot el poder per als soviets!, V. I. Lenin (Tigre de paper)…

Neste apartado, na devandita listaxe publicada en La Varguardia, os cinco títulos que se daban eran os seguintes: 1.-Tor: Foc encès; 2.- Ments preclares, Quim Monzó; 3.- Vida de Teresina; 4.- Un cor furtiu; 5.-Cremo!. Neste apartado a lista de máis vendidos o día de Sant Jordi é a seguinte:

Non ficción:

1.- Tor: Foc encès, Carles Porta (La Campana).

2.- Ments preclares, Quim Monzó (La Vanguardia).

3.- Cremo!, Maria Nicolau (Columna).

4.-La teva salut comença aquí, XeviVerdaguer (Rosa dels vents).

5.-Tres mesos de vacances, Neus Rossell (Rosa dels vents).

6.- Cuines, Marc Ribes/Gessami Caramés (Ara Llibres)

7.- Un cor furtiu, Xavier Pla (Destino).

8.- Hàbits atòmics, James Clear (Ara Llibres).

9.-Recupera la teva ment, reconquista la teva vida, Marian Rojas (Columna).

10.- No facis muntanyes de grans de sorra, Rafael Santandreu (Rosa dels vents).

Como no apartado de ficción, a tendencia da semana antes de Sant Jordi mantense tamén nas vendas neste apartado, en que Random House lle gaña a Planeta por 4 a 3, os restantes postos son dous para Ara Llibres, e outro para o xornal La Vanguardia.

Do libro infantil e xuvenil non citaremos ningún títulos dos centos deles publicados. Só transcribimos a lista de máis vendidos

Infantil e xuvenil

1.- La misteriosa i sorprenent casa de l’avi, Meritxell Martí (Combel).

2.- La maravellosa i horripilant casa de la iaia, Meritxell Martí (Combel).

3.- Ales de sang, Rebecca Yarros (Columa).

4.- Titó. Excursió al fons del mar, Cristina Jiménez/Kim Amate (Estrella polar).

5.- Jo primer, Miriam Tirado (El cep i la Nansa).

5.- Aprendre a llegir a l’escola de Monstres 14. Llefiscós però deliciós, Sally Ripin (Montena).

6.- La llegenda de Sant Jordi de Roba, Marta García Pérez (Estrella polar).

7.- Les aventures dels Beta, Lola P. (Estrella polar).

9.- Els Futbolissims 25 – El misteri del gol, Roberto Santiago (Cruïlla).

10.-Em dic Goa, Miriam Tirado (B de Blok).

Aquí, Planeta gáñalle por 4 a 2 a Random House. Casals, co seu selo Combel, coloca dous títulos nos primeiros postos, e os outros dous son para El Cep i la Nansa e para Editorial Cruïlla, editorial católica achegada a SM (O barco de vapor).

Se ben o Gremi de Llibreters dá a cantidade total de euros recadados e de libros vendidos, non entrega estes datos por demarcacións, aínda que si entrega a lista de libros máis vendidos en cada unha das provincias catalás, ben que só dá cinco títulos por apartado. Vexamos como quedou a cousa (non reproducimos os títulos de literatura infantil-xuvenil

Barcelona:

Ficción catalán:

1.- História d’un piano; 2.- Un animal salvatge; 3.- Òcas i fascinació; 4.- Aprendre a esquivar les bales; 5.- Blackwater I. La riuada.

Non ficción catalán:

1.- Tor. Foc encès; 2.- Ments preclares; 3.- Cremo!; 4.- La teva salut comença aquí; 5.- Cuines.

Ficción castelán:

1.- Tres enigmas para la Organización; 2.- La grieta del silencio; 3.- Un animal salvaje; 4.- En agosto nos vemos; 5.- El niño.

Non-ficción castelán:

1.-Hábitos atómicos; 2.- Recupera tu  mente, reconquista tu cuerpo; 3.- Cómo hacer que te pasen cosas buenas; 4.- No hagas montañas de granos de arena; 5.- Anatomia del mal.

Girona:

Ficción catalán:

1.- História d’un piano; 2.- Un animal salvatge; 3.- Aprendre a esquivar les bales; 4.- Òcas i fascinació; 5.- Confeti.

Non-ficción catalán:

1.- Cremo!; 2.- 100 motius per ser de Girona; 3.- Tor: Foc encès; 4.- Un cor furtiu; 5.- Tres mesos de vacances.

Ficción castelán:

1.-Un animal salvaje; 2.- La grieta del silencio; 3.- Tres enigmas para la Organización; 4.- En agosto nos vemos;  5.- El hijo olvidado.

Non-ficción castelán:

1.-Recupera tu mente, reconquista tu cuerpo; 2.- Hábitos atómicos; 3.- Anatomía del mal; 4.- Como hacer que te pasen cosas buenas; 5.- El problema de ser demasiado buenos, Xavier Guix & Alex Rovira.

Lleida:

Ficción catalán:

1.- Història d’un piano; 2.- Un animal salvatge; 3.- La Germandat de l’Àngel Caigut; 4.- Aprendre a esquivar les bales; 5.- Les calces al sol.

Non-ficción catalán:

1.- Tor: Foc encès; 2.- Cuines; 3.- Ments preclares; 4.- La teva salut comença aquí; 5.- Tres mesos de vacances.

Ficción castelán:

1.-La grieta del silencio; 2.- Un animal salvaje; 3.- Tres enigmas para la Organización; 4.- En agosto nos vemos; 5.- El caso de las almendras garrapiñadas, Francesc Baena.

(como en Girona, mais naquela demarcación no apartado de non ficción, aquí se «coa» un escritor «local», en castelán.)

Non ficción castelán:

1.- Recupera tu mente, reconquista tu cuerpo; 2.- Hábitos atómicos; 3.- Cocina de 10 con Karlos Arguiñano; 4.- No hagas montañas de granos de arena; 5.- Cómo hacer que te pasen cosas buenas.

Tarragona:

Ficción catalán:

1.- Història d’un piano; 2.- Un animal salvatge; 3.- Les calces al sol; 4.- Aprendre a esquivar les bales; 5.- La Germandat de l’Àngel Caigut.

Non ficción catalán:

1.- Tor: Foc encès; 2.-La teva salut comença aquí; 3.- Tres mesos de vacances; 4.-Cremo!; 5.- Ments preclares.

Ficción castelán:

1.-La grieta del silencio; 2.- Un animal salvaje; 3.- En agosto nos vemos; 4.-El niño; 5.- Tres enigmas para la Organización.

Non ficción castelán:

1.-Recupera tu mente, reconquista tu vida, 2.- Hábitos atómicos; 3.- Anatomía del mal; 4.-No hagas montañas de granos de arena; 5.- Cómo hacer que te pasen cosas buenas.

Cómpre lembrarmos que segundo o Gremi de Llibreters de Catlaunya, a listaxe dos dez libros máis vendidos representa entre un 3 a un 4% dos libros vendidos en Sant Jordi. Ou sexa, que dos 60 títulos que acabamos de entregar, vendéronse aproximadamente: entre 60 e 70.000 exemplares. E ollando con detemento as listaxe de ficción e non ficción, é doado concluír dúas cousas: o gran vencedor foi o suízo Joël Dicker con Un animal salvatge/Un animal salvaje, e que a literatura, como adoita acontecer nesta xornada, sempre ocupa un lugar subalterno. Mais do que se trata, o día de Sant Jordi, é de vender libros e rosas. Todo tipo de libros e toda clase de rosas.